Қазақстан Түркіменстан арқылы транзитпен Батыс Ауғанстанға астық жеткізе бастайды
4 қар. 2024
388 қаралым
«Қазақстан азық-түлік корпорациясы» мемлекеттік кәсіпорны еліміздегі рекордтық жоғары егінді ескере отырып, экспорттық әлеуетті арттыру бойынша белсенді жұмыс жүргізуде. Қазақстандық астықты Мысыр нарығына шығару бойынша келіссөздер жүргізіліп, жұмыс басталды, Ауғанстанға жеткізілім көлемін ұлғайту және Иранға жүгері жіберу жоспарлануда, деп хабарлайды ҚХА ақпараттық агенттігі.
Азық-түлік корпорациясының басшысы Асылхан Джувашев мәлім еткендей, қазақстандық астықтың экспорттық әлеуеті 12 миллион тоннаға бағаланады. Ол 2023 жылы әлемдік бағаның төмендігі мен сапасыздығы қазақ бидайының экспортын қиындатқанын еске салды. 2024 жылы жұмыстың негізгі бағыты Қытайға аударылды. Оның үстіне сұраныс жақсы, бағалар қолайлы болды. Алайда, ҚТЖ теміржол жөнелтілімдеріндегі мәселелерге байланысты Қазақстан Қытайға үлкен көлемді тасымалдай алмады.
Жақында Азық-түлік корпорациясы Египеттің ең ірі сатып алушы компаниясымен байланыс орната алды. 400 мың тоннаға жуық бидай жөнелту жоспарлануда.
Иран мен Әзірбайжанның мемлекеттік компанияларына астық жеткізуге дайындығы туралы коммерциялық ұсыныстар да дипломатиялық арналар арқылы жіберілді.
Иранға арпа жеткізу басталып та кетті. Дегенмен, корпорация Ресейдегі шығымдылықтың төмендеуін және Қара теңіздегі бағаның көтерілуін ескере отырып, Иранның арпаға ұсынып отырған бағасы өте төмен деп есептейді.
Ал, Қазақстан Ауғанстанның батыс бөлігіне Түркіменстан арқылы транзиттік жолмен астық жеткізуді ұлғайтуды жоспарлап отыр. Азық-түлік корпорациясы қазан айының соңында Алматыда өтетін Қазақстан-Ауған форумында алғашқы келісім-шарттарды жасамақшы. Қазір баға талқылануда.
«Осы маусымда біз Иранда қазақстандық жүгеріге сұраныс артады деп үміттенеміз. Иран ФОБ Ақтауда 220 доллар немесе лифтте 70 мың теңге баға ұсынып отыр. Қытайдың өзіндік жүгері өнімі бар және әзірге оны басқа елдерден әкелуге ниетті емес. 2020 жылы астық 260 миллион тоннаны, 2024 жылы 292 миллион тоннаны құрады», - деді Азық-түлік корпорациясының басшысы.
Сондай-ақ, астық экспортын жеделдету және дәстүрлі және жаңа нарықтарды қайтару мақсатында экспорттық көлік шығындарын ішінара субсидиялау ұсынылып отырғаны хабарланды.
